Category: Dil Shayari

We provide best Shayari about Dil with Images, browse this page for reading Dil Poetry.

Aaj phir rooh mein ek barq si lehrai hai

Abdul Hameed Adam | Urdu Ghazal

Aaj phir rooh mein ek barq si lahrati hai
Dil ki gehrai se rone ki sada aati hai
Yun chaTakti hain KHarabaat mein jaise kaliyan
Tishnagi saghar-e-labrez se Takraati hai
Shola-e-gham ki lapak aur mera nazuk sa mizaj
Mujh ko fitrat ke rawaiyye pe hansi aati hai
Maut ek amr-e-musallam hai to phir ai saqi
Rooh kyun zist ke aalam se ghabraati hai
So bhi ja ai dil-e-majruh bahut raat gai
Ab to rah rah ke sitaron ko bhi neend aati hai
Aur to dil ko nahi hai koi takleef ‘adam’
Han zara nabz kisi waqt Thahar jati hai

 

UrduPoetryLoves.com Provides best Poetry Images, Include Sad, Love, Romantic, Attitude and different authors poetry include, The Legend Allama Iqbal, Meer Takis Meer, Ghalib, Ahmad Faraz, Parveen Shakir, Jaun Elia, e.t.c. Copyright 2018-2019