Agar Kaj-rau hyn Anjum Asman Tera hy ya mera
Mujhe fikr-e-jahan kyun ho jahan tera hy ya meraAgar hungama-ha-e-shauq se hy la-makan Khali
Khata kis ki hy ya rab la-makan tera hy ya mera
Ussey subh-e-azal inkar ki jurat hui kyunkar
Mujhe maloom kya wo raaz-dan tera hy ya mera
Mohammad bhi tera Jibril bhi Quran bhi tera
Magar ye harf-e-shirin tarjuman tera hy ya mera
Issi kaukab ki tabani se hy tera jahan raushan
Zawal-e-adam-e-Khaki ziyan tera hy ya mera